സഞ്ചാരികളുടെ സുരക്ഷയ്ക്ക് മുൻഗണന; ജില്ലാ ഭരണകൂടത്തിന്റെ നിർദേശങ്ങൾ പാലിച്ച് വയനാട്ടിലേക്ക് യാത്ര ചെയ്യുക
വയനാട്: ജില്ലയിലെ വിനോദസഞ്ചാര കേന്ദ്രങ്ങൾ സന്ദർശിക്കുന്നതിന് മുമ്പ് കാലാവസ്ഥയും ജില്ലാ ഭരണകൂടത്തിന്റെ ഔദ്യോഗിക അറിയിപ്പുകളും പരിശോധിക്കണമെന്ന് ജില്ലാ കളക്ടർ അറിയിച്ചു. ശക്തമായ മഴയും കാലാവസ്ഥാ മുന്നറിയിപ്പുകളും നിലനിൽക്കുന്ന സാഹചര്യത്തിൽ ചില ട്രെക്കിംഗ് കേന്ദ്രങ്ങൾ, വെള്ളച്ചാട്ടങ്ങൾ, മറ്റ് വിനോദസഞ്ചാര കേന്ദ്രങ്ങൾ എന്നിവ താൽക്കാലികമായി നിയന്ത്രിക്കുകയോ അടയ്ക്കുകയോ ചെയ്യാൻ സാധ്യതയുണ്ട്. വിനോദസഞ്ചാരികളുടെ സുരക്ഷയാണ് പ്രധാന പരിഗണനയെന്നും അധികൃതർ പുറത്തിറക്കുന്ന നിർദേശങ്ങൾ കൃത്യമായി പാലിച്ച് സുരക്ഷിതമായ യാത്ര നടത്തണമെന്നും ജില്ലാ ഭരണകൂടം അഭ്യർത്ഥിച്ചു.
